काठमाडौं । भारतले लिपुलेक क्षेत्रमा सडक निर्माण गर्नु आपत्तिजनक भएको नेपाली कांग्रेसले बताएको छ । कांग्रेसका महामन्त्रीद्वय गगनकुमार थापा र विश्वप्रकाश शर्माले लिपुलेक प्रकरणबारे विज्ञप्ति जारी गर्दै लिपुलेकमा भारतले सडक निर्माण गर्नु आपत्तिजनक भएको बताएका हुन् ।
विज्ञप्तिमा भनिएको छ- ‘भारतीय प्रधानमन्त्री नरेन्द्र मोदीले लिपुलेक क्षेत्रमा भारत सरकारले सडक बनाइरहेको भनेर केही दिनअघि एक कार्यक्रममा व्यक्त गर्नुभएको भनाइप्रति नेपाली कांग्रेसको ध्यानाकर्षण भएको छ । लिपुलेक, लिम्पियाधुरा र कालापानी नेपाली भूमी हो।’
कालापानीबाट भारतीय सैनिक फिर्ता गर्न पनि विज्ञप्तिमा कांग्रेसले माग गरेको छ।
