मध्यरातमा जसपाका अध्यक्ष महन्थ ठाकुर राष्ट्रपति कार्यालय शीतल निवास पुगेका छन्। प्रधानमन्त्री केपी शर्मा ओलीको साथमा जसपा वरिष्ठ नेता राजेन्द्र महतो समेत अध्यक्ष ठाकुरसँगै शीतल निवास पुगेका हुन्। नयाँ सरकार बनाउन नेकपा एमाले र जसपा सांसदहरूको सहमति रहेको हस्ताक्षर सहितको लिखित पत्र लिएर उनीहरु शीतल निवास पुगेको जसपा स्रोतले बताएको छ।
राष्ट्रपति विद्यादेवी भण्डारीले शुक्रबार राति संविधानको धारा ७६(५) बमोजिम प्रधानमन्त्री नियुक्ति प्रक्रिया सुरु गर्न आह्वान गरेकी थिइन् । प्रधानमन्त्री केपी ओलीको आग्रह अनुसार राष्ट्रपतिले नयाँ सरकार गठनको प्रक्रिया सुरु गर्न आह्वान गरेकी हुन् ।
