चैत २६ गते । आइतबार (आज) साँझ बागमती प्रदेशको मन्त्रिमण्डलको विस्तार हुने भएको छ । केन्द्रमा सत्ता गठबन्धनमा परिवर्तन भएसँगै भएको सत्ता समीकरण परिवर्तनपछि सरकार विस्तारमा ढिलाइ भएको सार्वजनिक टिप्पणी हुँदै गर्दा प्रदेशका मुख्यमन्त्री शालिकराम जम्कट्टेलले मन्त्रिमण्डल विस्तार गर्न लाग्नुभएको हो ।
सत्ता गठबन्धनमा रहेको नेपाली कांग्रेसले विस्तारित मन्त्रिमण्डलमा सहभागिता जनाउने भएको छ ।पहिलो चरणमा कांग्रेसबाट मन्त्रिमण्डलमा दुई जनाको प्रतिनिधित्व रहने जनाइएको छ ।
प्रदेशका मुख्यमन्त्री जम्कट्टेलले सरकार विस्तारमा ढिलाइका कारण मुख्यमन्त्री कार्यालयसहित आठ वटा मन्त्रालयको जिम्मेदारी सम्हाल्दै आउनुभएको थियो ।
