काठमाडौं, बैशाख २१ । पूर्वी नवलपरासीको हुप्सेकोट गाउँपालिका वडा नं १ मा नेपाली कांग्रेस र नेकपा एमालेका कार्यकर्ताहरुबीच झडप भएको छ।
झडपमा दुवैतर्फका ६ जना घाइते भएका छन्। नवलपुर प्रहरीका अनुसार घाइते चार जनालाई उपचारको लागि चितवनको भरतपुर रिफर गरिएको छ। उनीहरुको टाउकोमा चोट लागेको छ।
चुनाव प्रचारमा नेपाली कांग्रेसकी उम्मेदवार लक्ष्मी देवी पाण्डेले प्रयोग गरेको गाडी तोडफोड भएको छ। पाण्डे २०७४ को स्थानीय तह निर्वाचनमा गाउँपालिका अध्यक्षमा निर्वाचित भएकी थिइन्।
