काठमाडौं, चैत २९ । नेपाली कांग्रेस सभापति तथा प्रधानमन्त्री शेरबहादुर देउवा आसन्न स्थानीय निर्वाचनमा चितवनको भरतपुर महानगरपालिका मेयरमा नेकपा माओवादी केन्द्रका उम्मेदवारलाई उठाउन सहमत भएका छन्। सोमबार बालुवाटारमा भएको गठबन्धनको बैठकमा यस्तो सहमति भएको हो।
कांग्रेसका स्थानीय नेतारकार्यकर्ताले मेयरमा आफ्नो पार्टीबाट उम्मेदवार हुन पाउनुपर्ने आवाज उठाउदै आइरहेको बेलामा कांग्रेस सभापति देउवा भने माओवादीलाई त्यो सिट दिन सहमत भएका हुन्।
माओवादी केन्द्रका अध्यक्ष पुष्पकमल दाहाल प्रचण्डले भरतपुरमा पुनः रेणु दाहाललाई टिकट दिनुपर्ने माग राखेपछि प्रधानमन्त्री देउवा सहमत भएका स्रोतले जनाएको छ।
