काठमाडौं, फागुन ८ । प्रमुख प्रतिपक्षी दल नेकपा एमालेको नाराबाजीका बीच आइतबारको प्रतिनिधिसभा बैठकमा अमेरिकी सहयोग परियोजना मिलेनियम च्यालेन्ज कर्पोरेशन (एमसीसी) सम्झौता पेश भएको छ।
आइतबारको प्रतिनिधिसभा बैठकमा अर्थ मन्त्रालयको तर्फबाट सञ्चार तथा सूचना प्रविधिमन्त्री ज्ञानेन्द्रबहादुर कार्कीले अमेरिकी सहयोगसम्बन्धी सम्झौता अनुमोदनका लागि संसदमा पेश गरेका हुन्। सम्झौता पेश हुँदै गर्दा संसद्मा प्रतिपक्षी दल र सत्ता गठबन्धनकै दलका सांसदहरूले नाराबाजी गरेका थिए।
प्रतिपक्षी दल र सत्ता पक्षका नेताको आक्रोशबीचमा पनि एमसीसी पेश भएको हो।। सम्झौता पेश गर्नुअघि बैठकमा माओवादी, एमाले, जनमोर्चा र नेमकिपाका सांसदहरूले आपत्ति जनाएका हुन्।
