काठमाडौं । आर्थिक वर्ष २०७८/७९ को बजेट सार्वजनिक गर्दै अर्थमन्त्री विष्णु पौडेलले विपद् उद्धार तथा व्यवस्थापनका लागि हरेक प्रदेशमा बहुउपयोगी रोबोटिक फायर फाइटिङ, अत्याधुनिक फायर ब्रिगेड, मल्टिसिटर एम्बुलेन्स र उद्धारका लागि गाडी तयारी अवस्थामा राखिने उल्लेख गरेका छन् । अर्थमन्त्री पौडेलले ७५३ वटै स्थानीय तहमा दमकल राखिने बताएका छन् ।
तथ्यांकअनुसार ११ वटा उपमहानगरपालिकासँग दुई वटाको दरले २२ वटा , ६ महानगरसँग १९ वटा र बाँकी ७३ वटा नगरपालिकासँग ७३ वटा दमकल छन् ।अहिले ६ सय स्थानीय तह दमकलविहीन छन् ।
