असार २० गते,भक्तपुर,
प्रहरी अतिरिक्त महानिरीक्षक हरिबहादुर पालले शुक्रबार एक समारोहबीच ‘सीसीटीभी मनिटरिङ’ सेवाको शुभारम्भ गर्नुभयो । भक्तपुर क्षेत्रलाई सुरक्षाका दृष्टिले चुस्त दुरुस्त राख्ने उद्देश्यले विभिन्न ७६ स्थानमा सीसीटीभी जडान गरिएको छ ।
कोटेश्वर जडीबुटीदेखि पलाँसेसम्मको राजमार्गमा ६४ र भक्तपुर महानगरीय परिसर आसपास भक्तपुरको भित्री सहरको आवागमनसमेत अनुगमन हुने गरी १२ स्थानमा सीसीटीभी जडान गरिएको हो ।
भक्तपुरका प्रहरी उपरीक्षक तारादेवी थापाका अनुसार राजमार्ग क्षेत्रमा हुने गरेको आपराधिक क्रियाकलाप, सवारी आवागमनको अनुगमनलगायत राजमार्गमा हुने अवैध क्रियाकलापमाथि परिसरको अनुगमन कक्षबाट गहन रूपमा अवलोकन हुनेछ ।
