एजेन्सीको सहयोगमा । शुक्रबार राति रुसमा भएको पहिलो क्वाटरफाइनलमा तीन पटकको च्याम्पियन स्पेन १६ औं संस्करणको युरोकप फुटबलको सेमिफाइनलमा प्रवेश गरेको छ ।
सेन्ट पिटर्सवर्ग स्टेडियममा १० खेलाडीमा सिमित स्विट्जरल्यान्डलाई पेनाल्टी सुटआउटमा ३-१ गोल अन्तरले पराजित गर्दै स्पेन अन्तिम चारमा पुगेको हो ।
खेलको निर्धारित ९० मिनेटमा र अतिरिक्त समयको खेल १-१ गोलको बराबरीमा सकिएपछि खेल पेनाल्टी सुटआउटमा गएको थियो ।
अब स्पेनले सेमिफाइनलमा इटालीसँग खेल्नेछ ।
