युइएफए युरोकप २०२० को क्वार्ट्फाइनल खेलहरु शुक्रबार (आज) बाट शुरु हुँदैछ ।
पहिलो क्वार्टरफाइनल खेलमा आज स्विट्जरल्याण्डले तीनपटकको युरो च्याम्पियन स्पेनको सामना गर्नेछ । क्रेस्टोवस्की स्टेडियममा हुने स्विजरल्याण्ड र स्पेनबीचको खेल नेपाली समयानुसार राती ९:४५ बाजेबाट शुरु हुनेछ ।
स्विट्जरलयाण्डले प्रि क्वाटरफाइनलमा विश्वविजेता फ्रान्सलाई पेनल्टी शुटआउटमा ५–४ गोल अन्तरले पाखा लगाउँदै अन्तिम ८ मा पुग्न सफल भएको थियो ।
यस्तै स्पेनले प्रि क्वाटरफाइनल चरणको खेलमा क्रोएशियालाई अतिरिक्त समयमा हराउँदै ९ वर्षपछि क्वार्टरफाइनलमा स्थान बनाएको थियो ।
स्विजरल्याण्ड र स्पेनबीचको यो २३ औं भेट हुनेछ । यसअघि भएको खेलको आधारमा स्विजरल्याण्डमाथि स्पेन हाबी हुँदै आएको छ । २२ खेल मध्ये १६ खेल जितको स्पनेले एक गुमाउँदै ४ खेल बराबरी खेलको थियो ।स्विजरल्याण्ड र स्पेनबीचको पछिल्लो भने २०२० मा भएको थियो । जुन खेल एकमा एक एक को बराबरीमा सकिएको थियो ।
