काठमाडौं– कोरोना महामारी को कारण दुई महिनादेखि रोकिएको लोकप्रिय कमेडी रियालिटी शो कमेडी च्याम्पियन सिजन–२ को प्रसारण भोलि आषाढ १८ गते शुक्रवारदेखि सुचारु हुने र यो कार्यक्रम हरेक शुक्रवार तथा शनिवार राति ९ बजे कान्तिपुर टेलिभजिनबाट प्रसारण हुनेछ ।
स्वास्थ्य–सुरक्षाका सम्पूर्ण मापदण्डहरु पालना गर्दै कार्यक्रमका लागि गत आइतबार उत्कृष्ट नौ प्रतियोगीहरूको प्रस्तुति छायांकन गरिएको थियो ।
सन्तोष पन्त, मनोज गजुरेल, प्रदीप भट्टराई, ऋचा शर्मा भने नियमित जजको रुपमा रहेका छन् भने यो एपिसोड मा सेलिब्रेटी जजको रूपमा कलाकार करिश्मा मानन्धर तथा रेखा थापालाई खिएको छ ।
पहिलो सीजनलाई पनि दर्शकले अत्यन्त रुचाएको विशाल भण्डारीको निर्देशनमा तयार पारिएको यो कमेडी च्याम्पियन कार्यक्रमलाई केकी अधिकारी, रीमा विश्वकर्मा, विशाल भण्डारी तथा राज घिमिरेले संयुक्त रुपमा निर्माण गरेका हुन् ।
