कञ्चनपुर,
भीमदत्त नगरपालिका–४ महेन्द्रनगर बजारमा रहेको एनआइसी एशिया बैंकमा जडान गरिएको एटिएम मेसिन तोडफोड गरेको आरोपमा प्रहरीले बिहीबार साँझ वेदकोट नगरपालिका–२ दैजीका १९ वर्षीय नरेन्द्रसिंह ठकुल्लालाई पक्राउ गरेको छ ।
बैंकको एटिएम मेसिन तोडफोड भएको अवस्थामा फेला परेको थियो । तत्कालै प्रहरीले बैंकमा जडान गरिएको सिसीटिभी क्यामेरामा कैद भएको फुटेजका आधारमा ठकुल्लालाई पक्राउ गरेको हो । ठकुल्लामाथि प्रहरीले आवश्यक अनुसन्धान गरिरहेको छ ।
