जेठ २३ गते । मंगलबार दिउँसो रुकुम पश्चिममा भेटिएका बम नेपाली सेनाको टोलीले डिस्पोज गरेको छ । मुसीकोट नगरपालिका वडा नम्वर ७ र ८ को सिमाना पर्ने त्रिसिङमा फेला परेका बम रुकुम पश्चिममा रहेको नेपाली सेनाको चण्डिदल गण सल्लेको टोलीले डिस्पोज गरेको हो ।
११ वटा रेडबुलको बट्टा र एउटा रबरको ग्यालेनमा राखिएको बम उप सेनानी दुर्गा केसीको नेतृत्वमा गएको टोलीले डिस्पोज गरेको जिल्ला प्रहरी कार्यालय रुकुम पश्चिमका प्रहरी नायब उपरीक्षक नमराज भट्टराईले जानकारी दिनुभयो ।
मंगलबार दिउँसो स्थानीयले बम रहेको सूचना प्रहरी चौकी झुल्खेतमा दिएका थिए ।
नायब उप रीक्षक भट्टराईका अनुसार ती बमहरु केही वर्ष पहिला नै फालिएको हुनसक्ने आँकलन गरिएको छ । बम राखिएको प्लाष्टिकको बोरा नै गलेपछि बमका बट्टाहरु बाहिर निस्किएका थिए ।
