चितवन राष्ट्रिय निकुञ्जको मध्यवर्ती क्षेत्रमा चैत २९ गते दुईवटा गैँडा मृतावस्थामा भेटिएका छन् ।
करिब सात महिनाको पोथी गैँडा निकुञ्जको अमलटारी सेक्टरअन्तर्गत मर्दी घोलस्थित नारायणी नदीको भङ्गालोमा एउटा र बगई माडी सेक्टरअन्तर्गत रिउ खोलाको दक्षिण किनारको काँस घारीमा अर्को करिब छ महिनाको भाले गैँडा मृत फेला परेको चितवन राष्ट्रिय निकुञ्जका सूचना अधिकारी एवं सहायक संरक्षण अधिकृत गणेशप्रसाद तिवारीले अमलटारी क्षेत्रमा भेटिएको बताउनुभयो । मृतावस्थामा भेटिएका दुवै गैँडाको खाग नपलाएको तिवारीको भनाइ छ ।
