दशरथ रङ्गशालामा दोस्रो हाफको ८७ मिनेटमा नेपालले निर्णायक गोल गरेको हो । खेलको सुरुवाती अग्रता लाओसले लिएको भए पनि नेपालले घरेलु मैदानमा उपाधि रक्षा गरेको हो ।
नेपालको जितमा आयुष घलान र मनिष डाँगीले एक एक गोल गर्नुभयो। लाओसका लागि खेलको १७ औं मिनेटमा फोउचाङभोङ साङ्भिले गोल गर्दै सुरुवाती अग्रता दिलाउनुभएको थियो ।
नेपालका आयुष घलानले खेलको २४ औं मिनेटमा बराबरी गोल फर्काउनु भएको थियो। एरिक विष्टको पासमा आयुषले गोल गर्नुभएको हो । लाओसविरुद्ध खेलको ८७ औं मिनेटमा उपाधि रक्षाका लागि अन्जन विष्टको पासमा मनिष डाँगीले नेपालका लागि गोल गर्नुभएको हो ।
थ्री नेसन्स कप फुटबल प्रतियोगिताको विजेता नेपालले पाँच हजार अमेरिकी डलर र दोस्रो हुने लाओसले तीन हजार डलर पुरस्कार पाएका छन्। प्रधानमन्त्री पुष्पकमल दाहाल ‘प्रचण्ड’ले विजेता र उपविजेतालाई ट्रफी र पुरस्कार प्रदान गर्नुभएको छ ।
