काठमाडौँ।
पौष २९ गते रिलिज हुने नेपाली चलचित्र ‘तिम्रो मेरो साथ’को टिजर सार्वजनिक गरिएको छ । टिजरमा नायिका साम्राज्ञी राज्यलक्ष्मी शाह बोल्ड देखिएकी छन् भने अभिनेता पुष्प खड्का प्रेममा मथित अवस्थामा देखिएका छन् । टिजरमा प्रेम र बदलाको कथा छ ।

रमेश एमके पौडेल निर्देशित सिनेमामा साम्राज्ञी र पुष्पको अलावा सन्दीप क्षेत्री, इमिली लामा, सरोज खनाल, दिपिशा केसी, खड्क बहादुर पुन ‘खबपु’ लगायतको अभिनय रहेको छ । यो चलचित्रबाट निर्देशनमा डेब्यु गरेका पौडेल चलचित्र निर्माता हुन् । यो चलचित्रमा उनकै कथा, गीत र लगानी रहेको छ । पटकथा तथा संवाद भने शबिर श्रेष्ठ र बाबुराम निरौलाले लेखेका छन् ।

आर्यन फिल्मस् र बोधी एचडिको ब्यानरमा निर्माण भएको सिनेमामा पासाङ लामा निर्माता हुन भने निरू भण्डारी, अशोक पोखरेल, सुमन पौडेल तथा सुधिर पराजुली सह-निर्माता हुन् । कार्यकारी निर्माता शविर श्रेष्ठ हुन् ।

टिजर हेर्नुहो्सः