युइएफए युरो कप २०२० अन्तर्गत इङ्गल्याण्डको स्टेडियममा हुने सेमिफाइनल र फाइनल खेलमा ६० हजारभन्दा बढी दर्शकलाई प्रवेश दिइने भएको छ ।
बेलायत सरकारले युरो कपका लागि दर्शक क्षमतामा ७५ प्रशिशतको अुनमति दिएपछि युरो कप २०२० अन्तर्गत इङ्गल्याण्डको स्टेडियममा हुने सेमिफाइनल र फाइनल खेलमा ६० हजारभन्दा बढी दर्शकले प्रवेश पाउने भएको हो ।
युरोकपको सेमिफाइनल र फाइनल हेर्न चाहने दर्शकले बेलायतको कडा कोरोना सुरक्षा नियम पालना गर्नुपर्ने हुन्छ । उनीहरुले टिकट खरिदका निम्ति कोरोना नेगेटिभको प्रमाण अथवा कोरोना खोप लगाएको प्रमाण पेश गर्नुपर्ने बेलायत सरकारले शर्त राखेको छ ।
बेलायत सरकारले युइएफएसँगको छलफल पश्चात समपूर्ण कोरोना सुरक्षाको नियम कडाइका साथ पालना हुने शर्तमा ७५ प्रतिशत दर्शकलाई स्टेडियममा प्रवेश अनुमति दिइएको जनाएको छ ।
