जापानको रित्सु डोन र ताकुमा असनोले गोल गर्नुभयो । जर्मनीका लागि इल्के गुन्डोगानले पहिलो हाफमा गरेको गोल सान्त्वना बन्यो ।
जर्मनीले खेलमा सुरुवाती अग्रता लिएको थियो । ३३औं मिनेटमा इल्के गुन्डोगानले पेनाल्टीमा गोल गर्दै जर्मनीलाई अग्रता दिलाउनुभयो । डिबक्सभित्र जर्मनीका डेभिड रमलाई जापानका गोलरक्षक सुइची गोन्डाले फल हानेर लडाएपछि जर्मनीले पेनाल्टी पाएको थियो ।
जसलाई गुन्डोगानले सही सदुपयोग गर्नुभएको थियो ।
दोस्रो हाफमा आक्रामक देखिएको जापानले ७५औं मिनेटमा बराबरी गोल फर्कायो । रित्सुले गोल गर्दै जापानलाई खेलमा फर्काउनुभयो । त्यसपछि ८३औं मिनेटमा ताकुमा असनोले को इताकुराको पासमा उत्कृष्ट गोल गर्दै जापानलाई जिताउनुभयो ।
जर्मनीले दोस्रो हाफमा पाएको अवसर सदुपयोग गर्न नसक्दा हार खेप्यो । दोस्रो हाफमा जर्मनीको प्रयासमा जापानका गोलरक्षक बाधक बन्नुभएको थियो । जर्मनीले सन् १९५४, १९७४, १९९० र २०१४ को विश्वकप विजेता टोली हो ।
जितसँगै जापानले तीन अंक बनाएको छ । उपाधि दावेदार जर्मनीले हारबाट कतार विश्वकपको सुरुवात गरेको छ । आजै राति यस समूहको अर्को खेलमा स्पेन र कोस्टारिबीच प्रतिस्पर्धा हुँदैछ । कतार विश्वकपमा यस समूहलाई ‘ग्रुपअफ डेथ’ मानिएको छ । एजेन्सी
