नागरिक उन्मुक्ति पार्टीले कैलालीका तीन वटा क्षेत्रमा अग्रता लिएको छ । प्रतिनिधि सभा क्षेत्र नम्बर २ को नागरिक उन्मुक्तिका उम्मेदवार अरुनकुमार चौधरीले अग्रता लिनु भएको छ । तीन हजार २७१ मत गणना हुँदा चौधरीले एक हजार ४८८ मत पाउनु भएको छ । गठबन्धनका भगतबहादुर बडुवालले ८६६, नेकपा एमालेका झपटबहादुर रावलले ६२७ मत पाउनु भएको छ ।
क्षेत्र नम्बर ३ मा नागरिक उन्मुक्तिका गङ्गाराम चौधरीले आठ हजार ६१४ मतका साथ अग्रता लिनु भएको छ । त्यहाँ माओवादी केन्द्रका उम्मेदवार कृष्णकुमार चौधरीले ७ हजार ८५५, एमालेका गौरीशङ्कर चौधरीले ५ हजार २३६, राप्रपाका वीरेन्द्र बमले ५ हजार ५६ मत पाउनु भएको छ ।
क्षेत्र नम्बर १ मा नागरिक उन्मुक्तिका उम्मेदवार रञ्जिता श्रेष्ठले पाँच हजार २०१ मत प्राप्त गर्नु भएको छ । नेपाली काँगे्रसका उम्मेदवार रामजनम चौधरीले तीन हजार ३७० र नेकपा एमालेका उम्मेदवार तपेन्द्रबहादुर रावलले एक हजार १५१ मत पाउनु भएको छ ।
