काठमाडौं, साउन २७ । पछिल्लो २४ घण्टामा ४ हजार ७१२ जनामा कोरोना परीक्षण गर्दा ७८१ जनामा कोरोना सङ्क्रमण पुष्टि भएको छ।
स्वास्थ्य तथा जनसङ्ख्या मन्त्रालयका अनुसार देशभर २ हजार २९० जनामा पिसिआर परीक्षण गर्दा ४१९ जनामा सङ्क्रमण भएको छ भने २ हजार ४२२ जनाको एन्टिजेन परीक्षण गर्दा ३६२ जनामा सङ्क्रमण भएको छ। मन्त्रालयका अनुसार आज ५११ जना सङ्क्रमणमुक्त भएका छन्। सङ्क्रमण मुक्त हुने दर ९८.२ प्रतिशत रहेको मन्त्रालयले जनाएको छ।
मन्त्रालयका अनुसार २४ घण्टामा २ जनाको मृत्यु भएको छ। देशभर ५ हजार ७७५ जना सकृय सङ्क्रमित छन्।
