चिकित्सा शिक्षा आयोगले कोभिड–१९ संकट व्यवस्थापन केन्द्र (सीसीएममी) सँग । एमबीबीएसलगायत स्नातक तहको एकीकृत प्रवेश परीक्षा सञ्चालन गर्न स्वीकृति मागेको छ । राष्ट्रिय परीक्षा बोर्डले असार मसान्तसम्म कक्षा ११ र भदौ अन्त्यसम्म कक्षा १२ को परीक्षा सञ्चालन गर्न सकिने जनाएको छ । कक्षा ११ को परीक्षा गत वर्षदेखि विद्यालयले नै लिन थालेका छन् । साउन मसान्तसम्म आन्तरिक मूल्यांकनबाट कक्षा १० को नतिजा प्रकाशन गर्ने तयारी छ । एक साताभित्र कक्षा ११ का विद्यार्थीलाई बोर्डले सिम्बोल नम्बर र रजिस्ट्रेसन नम्बर उपलब्ध गराउने जनाएको छ । कक्षा १२ को हकमा भने भदौसम्म सकभर पहिले जस्तै लिखित परीक्षा नै सञ्चालन गर्ने योजना बनाइएको छ
गत जेठ २६ गतेबाट हुने कक्षा १२ को परीक्षा स्थगित गरिएको थियो । १२ को परीक्षाको तयारीमा करिब ४ लाख विद्यार्थी छन् । परीक्षाको मोडालिटीबारे असार १५ गतेसम्मको अवस्था हेरेर निर्क्योल गरिने तयारी छ । । सकभर भौतिक उपस्थितिमा र नभए अरू विकल्पमा पनि परीक्षा सञ्चालनका लागि योजना बनाइएको छ ।
