काठमाडौं, जेठ १५ । पछिल्लो २४ घण्टामा १२ जनामा कोरोना सङ्क्रमण पुष्टि भएको छ। तीन हजार ३५६ जनामा परीक्षण गर्दा १२ जनामा सङ्क्रमण पुष्टि भएको हो।
स्वास्थ्य तथा जनसङ्ख्या मन्त्रालयका अनुसार दुई हजार ३६६ जनाको पीसीआर परीक्षण गर्दा ९ जनामा सङ्क्रमण भएको छ भने ९९० जनाको एन्टिजेन परीक्षण गर्दा ३ जनामा सङ्क्रमण भएको छ। मन्त्रालयका अनुसार आज १३ जना सङ्क्रमणमुक्त भएका छन्। सङ्क्रमण मुक्त हुने दर ९८.८ प्रतिशत रहेको मन्त्रालयले जनाएको छ।
मन्त्रालयका अनुसार २४ घण्टामा कसैको पनि मृत्यु भएको छैन। पछिल्लो २४ घण्टामा एकाउन्न हजार ६९१ जनाले कोरोना बिरूद्दको खोप लगाएका छन्। हाल देशभर ११० जना सकृय सङ्क्रमित छन्।
