हलमा अक्षयको ‘बेल बटम’ जुलाई २७ बाट रिलिज हुने
कोरोनाको दोश्रो लहरका कारण चलचित्र रिलिज हुन नसकेको बलिउड नायक अक्षय कुमार अभिनित चलचित्र ‘बेल बटम’को प्रदर्शन मिति पक्का गरिएको छ । नायक अक्षय कुमार र यसको निर्माणपक्षले नयाँ प्रदर्शन मिति तय गर्दै यो चलचित्र जुलाई २७ तारिखबाट हलमा नै रिलिज हुने घोषणा भएको छ । अक्षय कुमार, वाणी कपुर अभिनितयो चलचित्रका लागि ओटीटी प्लेटफर्मबाट पनि आकर्षक मुल्यमा खरिदको अफर आएको थियो । तर, चलचित्रका निर्माता बासु भगनानी र नायक अक्षय कुमारले हलहरुलाई लयमा फर्काउनका लागि चलचित्रलाई हलमै रिलिज गर्ने सोच बनाएका थिए । यो चलचित्र जुलाई २७ मा हलमै रिलिज भएको खण्डमा यसले बलिउडलाई पनि लयमा फर्काउन मद्दत गर्नेछ ।
