विश्वभरी लोकप्रिय सामाजिक सञ्जाल फेसबुकमा अडियो सामग्री बज्ने नयाँ सुविधा थप्ने तयारी भएको फेसबुकका अधिकारीहरुले जानकारी दिएका छन्। कम्पनीका अधिकारीहरुका अनुसार अप्रिलमा नै नयाँ विषेशताका बारेमा परीक्षण गरिएको र परीक्षणबाट नतिजा सकारात्मक आएपछि फेसबुकमा यो सेवा आगामी जुन २२ देखि सुरु हुने जनाइएको छ।फेसबुकको न्युजफिडमै अडियो पोस्ट गर्न मिल्ने र त्यही बजाएर सुन्न मिल्ने व्यवस्था हुने अडियो सेवाका बारेमा इमेल मार्फत जानकारी दिने र जोड्न सकिने व्यवस्था गर्न लागिएको पनि अधिकारीहरुले बताएका छन्।पोडकास्ट सेवा जोडिएपछि फेसबुक एपमा नै सिधै अडियो सामग्रीहरु सुन्न मिल्ने भएको फेसबुक कम्पनीले जनाएको छ। फेसबुक पेजमा अडियो पोस्ट गरेपछि त्यो फेसबुकको पेजमा फलो गर्नेहरुलाई नोटिफिकेसन पनि जाने जनाइएको छ।
शनिवार, श्रावण ९ गते २०८३
