काठमाडौं, चैत ३० । नेपाली क्रिकेट खेलाडी दीपेन्द्र सिंह ऐरी अलराउण्डरतर्फ शीर्ष १० मा पर्न सफल भएका छन्।
अन्तर्राष्ट्रिय क्रिकेट काउन्सिल आईसीसीले बुधबार सार्वजनिक गरेको नयाँ वरियतामा ऐरी अलराउन्डरतर्फ १० औं स्थानमा रहेका छन्। चैत १४ देखि २१ गतेसम्म काठमाडौंमा भएको पपुवा न्युगिनी र मलेसिया सम्मिलित त्रिकोणात्मक टी–२० श्रृङ्खलामा उनले अलराउण्ड प्रदर्शन गर्दै ७ विकेट र शतकसहित २५५ रन बनाएका थिए।
ऐरी टी-२० अन्तर्राष्ट्रियमा एक हजार रन पूरा गर्ने पहिलो नेपाली खेलाडी समेत हुन्।
