काठमाडौं, चैत १६ । पछिल्लो २४ घण्टामा २६ जनामा कोरोना सङ्क्रमण पुष्टि भएको छ। पाॅच हजार १९२ जनामा परीक्षण गर्दा २६ जनामा सङ्क्रमण पुष्टि भएको हो।
तीन हजार ९४० जनाको पीसीआर परीक्षण गर्दा २५ जनामा र एक हजार २५२ जनाको एन्टिजेन परीक्षण गर्दा १ जनामा गरी २६ जनामा सङ्क्रमण पुष्टि भएको छ। स्वास्थ्य तथा जनसङ्ख्या मन्त्रालयका अनुसार आज ७७ जना सङ्क्रमणमुक्त भएका छन्। सङ्क्रमण मुक्त हुने दर ९८.७ प्रतिशत रहेको मन्त्रालयले जनाएको छ।
मन्त्रालयका अनुसार २४ घण्टामा कसैको पनि मृत्यु भएको छैन। उक्त समयमा देशभर एकहत्तर हजार ०५२ जनाले कोरोना विरुद्धको खोप लगाएका छन। हाल देशभर एक हजार १४६ सकृय सङ्क्रमित छन्।
