काठमाडौं, चैत २ । पछिल्लो २४ घण्टामा ८२ जनामा कोरोना सङ्क्रमण पुष्टि भएको छ। छ हजार १७५ जनामा परीक्षण गर्दा पीसीआर र एन्टिजेन गरेर ८२ जनामा सङ्क्रमण पुष्टि भएको हो।
स्वास्थ्य तथा जनसङ्ख्या मन्त्रालयका अनुसार चार हजार ७९० जनाको पीसीआर परीक्षण गर्दा ४१ जनामा र एक हजार ३८५ जनाको एन्टिजेन परीक्षण गर्दा ४१ जनामा सङ्क्रमण पुष्टि भएको छ। सङ्क्रमण मुक्त हुने दर ९८।३ प्रतिशत रहेको मन्त्रालयले जनाएको छ।
मन्त्रालयका अनुसार २४ घण्टामा कसैको पनि मृत्यु भएको छैन। पछिल्लो २४ घण्टामा मुलुकमा एक लाख पाँच हजार ४२२ जनाले कोरोनाविरुद्धको खोप लगाएका छन्। त्यस्तै नेपालमा हाल चार हजार ५७४ जना सक्रिय सङ्क्रमित छन्।
